Grænmetispylsur

vegetarian / vegan

BulsurBulsur

Bulsur Svavar og Berglind Bulsuréttur Bulsumeistarinn Bulsur að steikjast á pönnu

Bulsur eru íslenskar grænmetispylsur. Þær eru búnar til úr bankabyggi, baunum, mjöli og fræjum og án allra aukaefna. Þær innihalda engar dýraafurðir. Hráefnin eru valin af kostgæfni og Bulsur innihalda lífræn innihaldsefni öðrum fremur og innlend hráefni þegar því verður við komið. Þær eru kryddaðar með ferskum hvítlauk og ferskum chilipipar.

Þú grillar Bulsur eða steikir þær á pönnu og berð fram með því meðlæti sem þér dettur í hug.

Bulsur fást í Frú LauguMelabúðinniLifandi markaðiKrónunniNóatúniNettóSamkaupum ÍsafirðiSamkaupum DjúpavogiGló verslun FákafeniIcelandFjarðarkaupumHagkaupumVíðiFlóru Akureyri og Kaupfélagi Breiðdalsvíkur.

Eftirtaldir veitingastaðir bjóða jafnframt upp á Bulsur: A la carte vagninn HúsavíkHlemmur SquareStracta Hótel HelluBjórgarðurinn Höfðatorgi og Skálanes í Seyðisfirði.

Innihaldslýsing

Bankabygg frá Vallanesi, nýrnabaunir, vatn, tómatpúrra, maísmjöl, hveiti, hörfræ, chia fræ, sólblómaolía, sjávarsalt frá Reykjanesi, möndlur, chili pipar, hvítlaukur, repjuolía frá Þorvaldseyri, örvarrót, broddkúmen, reykt paprika, pipar.

Án aukaefna

 

 

Sagan

Það var á fögrum vordegi árið 2012 sem Svavar Pétur sat við eldhúsborðið heima hjá sér og hugsaði um pulsur. Nokkrum mánuðum áður hafði hann tekið ákvörðun um að hætta að borða kjöt. Hann var mjög ánægður með ákvörðunina en samt dauðlangaði hann í pulsu. Hann byrjaði því að prófa sig áfram með það að markmiði að búa til nýja gerð af grænmetispylsu sem innihéldi innlend hráefni svo framarlega sem kostur væri.

Svavar komst fljótlega að því að bankabygg væri góð undirstaða og eftir margar tilraunir með allskyns önnur hráefni litu Bulsur dagsins ljós vorið 2013.

Um svipað leiti komst Svavar í samband við Karolina Fund sem leiddi til þess að hann ákvað að hefja fjáröflun til að koma verkefninu á koppinn. Fjáröflunin gekk vonum framar og fór langt fram úr væntingum. Margir höfðu trú á verkefninu og lögðu því lið og þeim verður seint fullþakkað.

Það var svo að morgni 1. júní 2013 sem Svavar fór með fyrstu lögunina í Frú Laugu og Melabúðina eftir langar vökur við framleiðslu á skammti sem átti að endast í nokkrar vikur í búðunum. En örfáum klukkustundum eftir að dreifingu var lokið var hringt. Bulsurnar voru uppseldar!

Fólk var greinilega spennt fyrir Bulsunum. Eftirspurnin var til staðar og fljótlega fóru aðrar verslanir að hringja og vildu fá að bjóða viðskiptavinum sínum Bulsur.

Við erum þakklát fyrir móttökurnar. Bulsur verða til svo lengi sem einhver vill borða þær. Verði ykkur að góðu, og megi framtíðin vera bæði væn og græn fyrir okkur öll.